Subscribe to our newsletter and get our newest updates

Pallavi Mishra

  • Ghazal


zindagi mein aisa kitni bar hota hai yahan


zindagī meñ aisā kitnī baar hotā hai yahāñ
manziloñ kā rāsta dushvār hotā hai yahāñ

jo safar ke lutf kā andāza kar saktā nahīñ
ḳhush safar meñ rahne se lāchār hotā hai yahāñ

āñdhiyāñ pur-ḳhār raste sañg rokeñ kis tarah
jin ko gulshan kī kalī se pyaar hotā hai yahāñ

apnī qismat se huā shah maat kā har faisla
Dūbtā beḌā kabhī to paar hotā hai yahāñ

ḳhvāb chaknā-chūr hote haiñ bulandī par kabhī
aur jo dekhā nahīñ sākār hotā hai yahāñ

dushmanoñ ke vaar se bhī jān-levā hai kabhī
apnoñ kā begāna-pan bhī dhaar hotā hai yahāñ

zindagi mein aisa kitni bar hota hai yahan
manzilon ka rasta dushwar hota hai yahan

jo safar ke lutf ka andaza kar sakta nahin
KHush safar mein rahne se lachaar hota hai yahan

aandhiyan pur-KHar raste sang roken kis tarah
jin ko gulshan ki kali se pyar hota hai yahan

apni qismat se hua shah mat ka har faisla
Dubta beDa kabhi to par hota hai yahan

KHwab chakna-chur hote hain bulandi par kabhi
aur jo dekha nahin sakar hota hai yahan

dushmanon ke war se bhi jaan-lewa hai kabhi
apnon ka begana-pan bhi dhaar hota hai yahan


Leave a comment

+