maiñ ne jis ko chāhā thā
vo ḳhushbū kā jhoñkā thā

chāñd ke ujle chehre par
vaqt kā gahrā saaya thā

pīchhe muḌ kar dekhne vaalā
duur ga.e tak royā thā

tū bhī to vo paḌh na sakā
chehre par jo likkhā thā

kaise us ko mahv karūñ
barsoñ jis ko puujā thā

tū ne jis ko kaaT diyā hai
maiñ us peḌ kā pattā thā

main ne jis ko chaha tha
wo KHushbu ka jhonka tha

chand ke ujle chehre par
waqt ka gahra saya tha

pichhe muD kar dekhne wala
dur gae tak roya tha

tu bhi to wo paDh na saka
chehre par jo likkha tha

kaise us ko mahw karun
barson jis ko puja tha

tu ne jis ko kaT diya hai
main us peD ka patta tha