Subscribe to our newsletter and get our newest updates

Gopal Krishn Shafaq

  • Ghazal


baat apnon ki karun main kisi begane se


baat apnoñ kī karūñ maiñ kisī begāne se
kyuuñ bahak jaate ho tum ġhair ke bahkāne se

raaz kī baat hai pūchho kisī dīvāne se
uqda-e-ishq khulā kab kisī farzāne se

kyā kahe un se koī dil kī tamannā kyā hai
jaan kar bhī jo bane rahte haiñ anjāne se

aan kī aan meñ jal-bujh ke huā ḳhākistar
kyā kaheñ kah diyā kyā sham.a ne parvāne se

ai 'shafaq' uqda-e-hastī kā sulajhnā mālūm
jo ulajh jaatā hai kuchh aur bhī suljhāne se

baat apnon ki karun main kisi begane se
kyun bahak jate ho tum ghair ke bahkane se

raaz ki baat hai puchho kisi diwane se
uqda-e-ishq khula kab kisi farzane se

kya kahe un se koi dil ki tamanna kya hai
jaan kar bhi jo bane rahte hain anjaane se

aan ki aan mein jal-bujh ke hua KHakistar
kya kahen kah diya kya shama ne parwane se

ai 'shafaq' uqda-e-hasti ka sulajhna malum
jo ulajh jata hai kuchh aur bhi suljhane se


Source: Shab Khoon(Shumara Number-061)

Leave a comment

+