Warning: session_start(): open(/tmp/sess_rqam51621o400q62397i7mc2f5, O_RDWR) failed: No space left on device (28) in /razi/eraazi/darbari/chunmun/index.php on line 15
main hun aasi ki pur-KHata kuchh hun

Subscribe to our newsletter and get our newest updates

Bahadur Shah Zafar

  • Ghazal


main hun aasi ki pur-KHata kuchh hun


maiñ huuñ aasī ki pur-ḳhatā kuchh huuñ
terā banda huuñ ai ḳhudā kuchh huuñ

juzv o kul ko nahīñ samajhtā maiñ
dil meñ thoḌā sā jāntā kuchh huuñ

tujh se ulfat nibāhtā huuñ maiñ
bā-vafā huuñ ki bevafā kuchh huuñ

jab se nā-āshnā huuñ maiñ sab se
tab kahīñ us se āshnā kuchh huuñ

nashsha-e-ishq le uḌā hai mujhe
ab maze meñ uḌā rahā kuchh huuñ

ḳhvāb merā hai ain bedārī
maiñ to us meñ bhī dekhtā kuchh huuñ

garche kuchh bhī nahīñ huuñ maiñ lekin
us pe bhī kuchh na pūchho kyā kuchh huuñ

samjhe vo apnā ḳhāksār mujhe
ḳhāk-e-rah huuñ ki ḳhāk-e-pā kuchh huuñ

chashm-e-altāf faḳhr-e-dīñ se huuñ
ai 'zafar' kuchh se ho gayā kuchh huuñ

main hun aasi ki pur-KHata kuchh hun
tera banda hun ai KHuda kuchh hun

juzw o kul ko nahin samajhta main
dil mein thoDa sa jaanta kuchh hun

tujh se ulfat nibahta hun main
ba-wafa hun ki bewafa kuchh hun

jab se na-ashna hun main sab se
tab kahin us se aashna kuchh hun

nashsha-e-ishq le uDa hai mujhe
ab maze mein uDa raha kuchh hun

KHwab mera hai ain bedari
main to us mein bhi dekhta kuchh hun

garche kuchh bhi nahin hun main lekin
us pe bhi kuchh na puchho kya kuchh hun

samjhe wo apna KHaksar mujhe
KHak-e-rah hun ki KHak-e-pa kuchh hun

chashm-e-altaf faKHr-e-din se hun
ai 'zafar' kuchh se ho gaya kuchh hun

RECITATIONS Nomaan Shauque



00:00/00:00 main hun aasi ki pur-KHata kuchh hun Nomaan Shauque

Leave a comment

+