Subscribe to our newsletter and get our newest updates

Aagha Akbarabadi

  • Ghazal


wo kahte hain uTTho sahar ho gai


vo kahte haiñ uTTho sahar ho ga.ī
azaañ ho ga.ī top-sar ho ga.ī

gale se milo ab to bahr-e-ḳhudā
taḌapte mujhe raat bhar ho ga.ī

ilāhī huā jazb-e-ulfat ko kyā
mirī aah kyuuñ be-asar ho ga.ī

zamāna to ai jaan bargashta thā
tumhārī bhī tirchhī nazar ho ga.ī

hue sar kaTāne ko tayyār ham
jo vaañ teġh zeb-e-kamar ho ga.ī

dikhā.ī mujhe kis liye shām-e-hijr
shab-e-vasl kī kyuuñ sahar ho ga.ī

milā vasl meñ bhī na 'āġhā' ko chain
shikāyat meñ shab bhar basar ho ga.ī

wo kahte hain uTTho sahar ho gai
azan ho gai top-sar ho gai

gale se milo ab to bahr-e-KHuda
taDapte mujhe raat bhar ho gai

ilahi hua jazb-e-ulfat ko kya
meri aah kyun be-asar ho gai

zamana to ai jaan bargashta tha
tumhaari bhi tirchhi nazar ho gai

hue sar kaTane ko tayyar hum
jo wan tegh zeb-e-kamar ho gai

dikhai mujhe kis liye sham-e-hijr
shab-e-wasl ki kyun sahar ho gai

mila wasl mein bhi na 'agha' ko chain
shikayat mein shab bhar basar ho gai


Source: Book : Shayad (Pg. 74) Author : Jafar Sahni Publication : Yawar Hussain (2012) Edition : 2012

Leave a comment

+