Subscribe to our newsletter and get our newest updates

Taban Abdul Hai

  • Ghazal


ai mard-e-KHuda ho tu parastar butan ka


ai mard-e-ḳhudā ho tū parastār butāñ kā
maz.hab meñ mire kufr hai inkār butāñ kā

lagtī vo tajallī sharar-e-sañg ke mānind
muusī tū agar dekhtā dīdār butāñ kā

gardan meñ mire tauq hai zunnār ke mānind
huuñ ishq meñ az-bas-ki gunahgār butāñ kā

donoñ kī Tuk ik sair kar insāf se ai shaiḳh
ka.abe se tire garm hai bāzār butāñ kā

duuñ saarī ḳhudā.ī ko evaz un ke maiñ 'tābāñ'
koī mujh sā batā de tū ḳharīdār butāñ kā

ai mard-e-KHuda ho tu parastar butan ka
mazhab mein mere kufr hai inkar butan ka

lagti wo tajalli sharar-e-sang ke manind
musi tu agar dekhta didar butan ka

gardan mein mere tauq hai zunnar ke manind
hun ishq mein az-bas-ki gunahgar butan ka

donon ki Tuk ek sair kar insaf se ai shaiKH
kabe se tere garm hai bazar butan ka

dun sari KHudai ko ewaz un ke main 'taban'
koi mujh sa bata de tu KHaridar butan ka


Leave a comment

+