Subscribe to our newsletter and get our newest updates

Zaheer Dehlvi

  • Ghazal


ai mehrban hai gar yahi surat nibah ki


ai mehrbāñ hai gar yahī sūrat nibāh kī
baaz aa.e dil lagāne se tauba gunāh kī

ulTe gile vo karte haiñ kyuuñ tum ne chaah kī
kyā ḳhuub daad dī hai dil-e-dād-ḳhvāh kī

qātil kī shakl dekh ke hañgām-e-bāz-purs
nīyat badal ga.ī mire ik ik gavāh kī

merī tumhārī shakl hī kah degī roz-e-hashr
kuchh kaam guftugū kā na hājat gavāh kī

ai shaiḳh apne apne aqīde kā farq hai
hurmat jo dair kī hai vahī ḳhānqāh kī

ai mehrban hai gar yahi surat nibah ki
baz aae dil lagane se tauba gunah ki

ulTe gile wo karte hain kyun tum ne chah ki
kya KHub dad di hai dil-e-dad-KHwah ki

qatil ki shakl dekh ke hangam-e-baz-purs
niyat badal gai mere ek ek gawah ki

meri tumhaari shakl hi kah degi roz-e-hashr
kuchh kaam guftugu ka na hajat gawah ki

ai shaiKH apne apne aqide ka farq hai
hurmat jo dair ki hai wahi KHanqah ki


Leave a comment

+