Warning: session_start(): open(/tmp/sess_9cnn46ts57j5ual6gsr4l6a7g5, O_RDWR) failed: No space left on device (28) in /razi/eraazi/darbari/chunmun/index.php on line 15
nahin mumkin lab-e-ashiq se harf-e-muddaa nikle

Subscribe to our newsletter and get our newest updates

Wahshat Raza Ali Kalkatvi

  • Ghazal


nahin mumkin lab-e-ashiq se harf-e-muddaa nikle


nahīñ mumkin lab-e-āshiq se harf-e-mudda.ā nikle
jise tum ne kiyā ḳhāmosh us se kyā sadā nikle

qayāmat ik bapā hai sīna-e-majrūh-e-ulfat meñ
na tīr-e-dil-nashīñ nikle na jān-e-mubtelā nikle

tumhāre ḳhūgar-e-bedād ko kyā lutf kī hājat
vafā aisī na karnā tum jo āḳhir ko jafā nikle

gumāñ thā kām-e-dil aġhyār tum se paate haiñ lekin
hamārī tarah vo bhī kushta-e-teġh-e-jafā nikle

zabardastī ġhazal kahne pe tum āmāda ho 'vahshat'
tabī.at jab na ho hāzir to phir mazmūn kyā nikle

nahin mumkin lab-e-ashiq se harf-e-muddaa nikle
jise tum ne kiya KHamosh us se kya sada nikle

qayamat ek bapa hai sina-e-majruh-e-ulfat mein
na tir-e-dil-nashin nikle na jaan-e-mubtela nikle

tumhaare KHugar-e-bedad ko kya lutf ki hajat
wafa aisi na karna tum jo aaKHir ko jafa nikle

guman tha kaam-e-dil aghyar tum se pate hain lekin
hamari tarah wo bhi kushta-e-tegh-e-jafa nikle

zabardasti ghazal kahne pe tum aamada ho 'wahshat'
tabiat jab na ho hazir to phir mazmun kya nikle

RECITATIONS Nomaan Shauque



00:00/00:00 nahin mumkin lab-e-ashiq se harf-e-muddaa nikle Nomaan Shauque

Pachas Sala Intekhab"

Leave a comment

+