aage aage shar phailātā jaatā huuñ
pīchhe pīchhe apnī ḳhair manātā huuñ

patthar kī sūrat be-his ho jaatā huuñ
kaisī kaisī choTeñ sahtā rahtā huuñ

āḳhir ab tak kyuuñ na tumheñ aayā maiñ nazar
jaane kahāñ kahāñ to dekhā jaatā huuñ

sāñsoñ ke aane jaane se lagtā hai
ik pal jiitā huuñ to ik pal martā huuñ

dariyā baalū moram Dho kar laatā hai
maiñ us kā sab maal uḌā le aatā huuñ

ab to maiñ hāthoñ meñ patthar le kar bhī
ā.īne kā sāmnā karte Dartā huuñ

aage aage shar phailata jata hun
pichhe pichhe apni KHair manata hun

patthar ki surat be-his ho jata hun
kaisi kaisi choTen sahta rahta hun

aaKHir ab tak kyun na tumhein aaya main nazar
jaane kahan kahan to dekha jata hun

sanson ke aane jaane se lagta hai
ek pal jita hun to ek pal marta hun

dariya baalu moram Dho kar lata hai
main us ka sab mal uDa le aata hun

ab to main hathon mein patthar le kar bhi
aaine ka samna karte Darta hun