Subscribe to our newsletter and get our newest updates

Obaidurrahman Niyazi

  • Ghazal


koh-e-KHadshat sar hua hi nahin


koh-e-ḳhadshāt sar huā hī nahīñ
paar kyā hai maiñ jāntā hī nahīñ

maiñ rukā thā to vaqt ruk jaatā
laakh rokā magar rukā hī nahīñ

kitne armāñ se khaTkhaTāyā thā
haa.e afsos dar khulā hī nahīñ

ab koī choT lag bhī jaa.e to kyā
dil meñ ab zaḳhm kī jagah hī nahīñ

ek lamha jise maiñ haar chukā
kaise kah duuñ vo merā thā hī nahīñ

jaane kyā kho gayā thā rāhoñ meñ
aaj tak jo mujhe milā hī nahīñ

lazzateñ dard meñ chhupī haiñ 'obaid'
rāhatoñ meñ koī maza hī nahīñ

koh-e-KHadshat sar hua hi nahin
par kya hai main jaanta hi nahin

main ruka tha to waqt ruk jata
lakh roka magar ruka hi nahin

kitne arman se khaTkhaTaya tha
hae afsos dar khula hi nahin

ab koi choT lag bhi jae to kya
dil mein ab zaKHm ki jagah hi nahin

ek lamha jise main haar chuka
kaise kah dun wo mera tha hi nahin

jaane kya kho gaya tha rahon mein
aaj tak jo mujhe mila hi nahin

lazzaten dard mein chhupi hain 'obaid'
rahaton mein koi maza hi nahin


July 1983 Issue-2"

Leave a comment

+