Subscribe to our newsletter and get our newest updates

Fani Badayuni

  • Ghazal


kuchh bas hi na tha warna ye ilzam na lete


kuchh bas hī na thā varna ye ilzām na lete
ham tujh se chhupā kar bhī tirā naam na lete

nazreñ na bachānā thiiñ nazar mujh se milā kar
paiġhām na denā thā to paiġhām na lete

kyā umr meñ ik aah bhī baḳhshī nahīñ jaatī
ik saañs bhī kyā aap ke nākām na lete

ab mai meñ na vo kaif na ab jaam meñ vo baat
ai kaash tire haath se ham jaam na lete

qaabū hī ġham-e-ishq pe chaltā nahīñ varna
ehsān-e-ġham-e-gardish-e-ayyām na lete

ham haiñ vo balā dost ki gulshan kā to kyā zikr
jannat bhī bajā.e qafas o daam na lete

ḳhāmosh bhī rahte to shikāyat hī Thahartī
dil de ke kahāñ tak koī ilzām na lete

allāh re mire dil kī nazākat kā taqāzā
tāsīr-e-mohabbat se bhī ham kaam na lete

terī hī razā aur thī varna tire bismil
talvār ke saa.e meñ bhī ārām na lete

ik jabr hai ye zindagī ishq ki 'fānī'
ham muft bhī ye aish-e-ġham-anjām na lete

kuchh bas hi na tha warna ye ilzam na lete
hum tujh se chhupa kar bhi tera nam na lete

nazren na bachana thin nazar mujh se mila kar
paigham na dena tha to paigham na lete

kya umr mein ek aah bhi baKHshi nahin jati
ek sans bhi kya aap ke nakaam na lete

ab mai mein na wo kaif na ab jam mein wo baat
ai kash tere hath se hum jam na lete

qabu hi gham-e-ishq pe chalta nahin warna
ehsan-e-gham-e-gardish-e-ayyam na lete

hum hain wo bala dost ki gulshan ka to kya zikr
jannat bhi bajae qafas o dam na lete

KHamosh bhi rahte to shikayat hi Thaharti
dil de ke kahan tak koi ilzam na lete

allah re mere dil ki nazakat ka taqaza
tasir-e-mohabbat se bhi hum kaam na lete

teri hi raza aur thi warna tere bismil
talwar ke sae mein bhi aaram na lete

ek jabr hai ye zindagi ishq ki 'fani'
hum muft bhi ye aish-e-gham-anjam na lete

RECITATIONS Nomaan Shauque



00:00/00:00 kuchh bas hi na tha warna ye ilzam na lete Nomaan Shauque

Leave a comment

+