ham pe vo mehrbān kuchh kam hai
is liye ḳhush-bayān kuchh kam hai

miT gayā huuñ par us kī nazroñ meñ
ab bhī ye imtihān kuchh kam hai

shahr meñ yuuñ zamīñ to kaafī hai
nīlgūñ āsmān kuchh kam hai

ġham ke sāmān kuchh ziyāda haiñ
is mutābiq makān kuchh kam hai

sar chhupā.ūñ to paañv jalte haiñ
mujh pe ye sā.ebān kuchh kam hai

zindagī aur de azaab mujhe
mujh pe aa.ed lagān kuchh kam hai

fasl-e-bārūd hai pahāḌoñ par
is baras za.afrān kuchh kam hai

hum pe wo mehrban kuchh kam hai
is liye KHush-bayan kuchh kam hai

miT gaya hun par us ki nazron mein
ab bhi ye imtihan kuchh kam hai

shahr mein yun zamin to kafi hai
nilgun aasman kuchh kam hai

gham ke saman kuchh ziyaada hain
is mutabiq makan kuchh kam hai

sar chhupaun to panw jalte hain
mujh pe ye saeban kuchh kam hai

zindagi aur de azab mujhe
mujh pe aaed lagan kuchh kam hai

fasl-e-barud hai pahaDon par
is baras zafran kuchh kam hai

Source: Kulliyat-e-Khwaja Haidar Ali Aatish