Subscribe to our newsletter and get our newest updates

Iftikhar Aazmi

  • Ghazal


shor-e-dariya-e-wafa-e-ishrat ishrat-e-sahil ke qarib


shor-e-dariyā-e-vafā-e-ishrat ishrat-e-sāhil ke qarīb
ruk ga.e apne qadam aa.e jo manzil ke qarīb

phir ye vāraftagi-e-shauq samajh meñ aa.e
ik zarā jā ke to dekhe koī bismil ke qarīb

un se bichhḌe hue muddat huī lekin ab bhī
ik chubhan hotī hai mahsūs mujhe dil ke qarīb

aks-e-bāzār yahāñ bhī na ho is ḳhauf se ham
lauT lauT aa.e haiñ jā kar tirī mahfil ke qarīb

shor-e-dariya-e-wafa-e-ishrat ishrat-e-sahil ke qarib
ruk gae apne qadam aae jo manzil ke qarib

phir ye waraftagi-e-shauq samajh mein aae
ek zara ja ke to dekhe koi bismil ke qarib

un se bichhDe hue muddat hui lekin ab bhi
ek chubhan hoti hai mahsus mujhe dil ke qarib

aks-e-bazar yahan bhi na ho is KHauf se hum
lauT lauT aae hain ja kar teri mahfil ke qarib


Source: Urdu Adab Ka Awwaleen Naqqaad Maulana Baqar Agaah

Leave a comment

+