Subscribe to our newsletter and get our newest updates

Faiz Ahmad Faiz

  • Ghazal


ab jo koi puchhe bhi to us se kya sharh-e-haalat karen


ab jo koī pūchhe bhī to us se kyā sharh-e-hālāt kareñ
dil Thahre to dard sunā.eñ dard thame to baat kareñ

shaam huī phir josh-e-qadah ne bazm-e-harīfāñ raushan kī
ghar ko aag lagā.eñ ham bhī raushan apnī raat kareñ

qatl-e-dil-o-jāñ apne sar hai apnā lahū apnī gardan pe
mohr-ba-lab baiThe haiñ kis kā shikva kis ke saath kareñ

hijr meñ shab bhar dard-o-talab ke chāñd sitāre saath rahe
sub.h kī vīrānī meñ yaaro kaise basar auqāt kareñ

ab jo koi puchhe bhi to us se kya sharh-e-haalat karen
dil Thahre to dard sunaen dard thame to baat karen

sham hui phir josh-e-qadah ne bazm-e-harifan raushan ki
ghar ko aag lagaen hum bhi raushan apni raat karen

qatl-e-dil-o-jaan apne sar hai apna lahu apni gardan pe
mohr-ba-lab baiThe hain kis ka shikwa kis ke sath karen

hijr mein shab bhar dard-o-talab ke chand sitare sath rahe
subh ki virani mein yaro kaise basar auqat karen

RECITATIONS Faiz Ahmad Faiz



00:00/00:00 ab jo koi puchhe bhi to us se kya sharh-e-haalat karen Faiz Ahmad Faiz

Leave a comment

+