Subscribe to our newsletter and get our newest updates

Hafeez Karnatki

  • Ghazal


humne sikha hai mohabbat karna


ham ne sīkhā hai mohabbat karnā
ek ik dil pe hukūmat karnā

ham bhī tārīḳh badal sakte haiñ
shart hai himmat-o-jur.at karnā

zeb detā nahīñ insānoñ ko
kisī insāñ kī ibādat karnā

rakh ke ḳhud apnī zarūrat ko udhār
puurī auroñ kī zarūrat karnā

shab kī tārīkī meñ sīkhā ham ne
chāñd tāroñ kī tilāvat karnā

āḳhirī saañs talak jīvan kī
mard kī shaan hai mehnat karnā

farz se haj ke hai afzal 'hāfiz'
būḌhe maañ baap kī ḳhidmat karnā

hum ne sikha hai mohabbat karna
ek ek dil pe hukumat karna

hum bhi tariKH badal sakte hain
shart hai himmat-o-jurat karna

zeb deta nahin insanon ko
kisi insan ki ibaadat karna

rakh ke KHud apni zarurat ko udhaar
puri auron ki zarurat karna

shab ki tariki mein sikha hum ne
chand taron ki tilawat karna

aaKHiri sans talak jiwan ki
mard ki shan hai mehnat karna

farz se haj ke hai afzal 'hafiz'
buDhe man bap ki KHidmat karna


Source: Seep Samundar Moti

Leave a comment

+