Subscribe to our newsletter and get our newest updates

Mahirul Qadri

  • Ghazal


yusufi gar nahin mumkin to zuleKHai kar


yūsufī gar nahīñ mumkin to zuleḳhā.i kar
un se paidā koī taqrīb-e-shanāsā.ī kar

pahle har ġham kī mohabbat meñ pazīrā.ī kar
chaak phir dāman-e-tamkīn-o-shakebā.ī kar

rū-ba-rū un ke mirā haal sunāne vaale
apnī jānib se bhī kuchh hāshiya-ārā.ī kar

na tamannā na tirī yaad na ġham ho na ḳhushī
kabhī aisā bhī atā ālam-e-tanhā.ī kar

merī qismat meñ haiñ patthar tirī qismat meñ haiñ phuul
apnī shohrat se na andāza-e-rusvā.ī kar

sab mire hāl-e-pareshāñ kā uḌāte haiñ mazāq
ai ġham-e-dost mirī hausla-afzā.ī kar

yusufi gar nahin mumkin to zuleKHai kar
un se paida koi taqrib-e-shanasai kar

pahle har gham ki mohabbat mein pazirai kar
chaak phir daman-e-tamkin-o-shakebai kar

ru-ba-ru un ke mera haal sunane wale
apni jaanib se bhi kuchh hashiya-arai kar

na tamanna na teri yaad na gham ho na KHushi
kabhi aisa bhi ata aalam-e-tanhai kar

meri qismat mein hain patthar teri qismat mein hain phul
apni shohrat se na andaza-e-ruswai kar

sab mere haal-e-pareshan ka uDate hain mazaq
ai gham-e-dost meri hausla-afzai kar


Source: Book : Saaz-e-hayat (Pg. 79) Author : Prem Shankar Goila Farhat Publication : Maktaba Tahriik, Ansari Market, Daryaganj (1965) Edition : 1965

Leave a comment

+