Subscribe to our newsletter and get our newest updates

Farah iqbal

  • Ghazal


dekha palaT ke jab bhi to phaila ghubar tha


dekhā palaT ke jab bhī to phailā ġhubār thā
kuchh āñsuoñ kī dhund thī ujḌā dayār thā

yādoñ ke aa.ine meñ haiñ ab bhī basī huī
āñkheñ ki jin meñ munjamid ik intizār thā

rishtoñ kī Dor haath se chhūTī thī is liye
dāman jo bad-gumāniyoñ se taar taar thā

kaisī thī mai jo aañkh se tū ne pilā.ī thī
merī ragoñ meñ aaj tak us kā ḳhumār thā

TuuTā koī sitārā thā yā ḳhvāb-e-ārzū
taa.ir qafas meñ raat bahut be-qarār thā

dhundlā diye the jis ne sabhī ā.īne yahāñ
mere hī ghar se uTThā vo gard-o-ġhubār thā

dekha palaT ke jab bhi to phaila ghubar tha
kuchh aansuon ki dhund thi ujDa dayar tha

yaadon ke aaine mein hain ab bhi basi hui
aankhen ki jin mein munjamid ek intizar tha

rishton ki Dor hath se chhuTi thi is liye
daman jo bad-gumaniyon se tar tar tha

kaisi thi mai jo aankh se tu ne pilai thi
meri ragon mein aaj tak us ka KHumar tha

TuTa koi sitara tha ya KHwab-e-arzu
tair qafas mein raat bahut be-qarar tha

dhundla diye the jis ne sabhi aaine yahan
mere hi ghar se uTTha wo gard-o-ghubar tha


Source: Rooh-e-Ghazal,Pachas Sala Intekhab

Leave a comment

+