Subscribe to our newsletter and get our newest updates

Ibn-e-Safi

  • Ghazal


baDe ghazab ka hai yaro baDe azab ka zaKHm


baḌe ġhazab kā hai yaaro baḌe azaab kā zaḳhm
agar shabāb hī Thahrā mire shabāb kā zaḳhm

zarā sī baat thī kuchh āsmāñ na phaT paḌtā
magar harā hai abhī tak tire javāb kā zaḳhm

zamīñ kī kokh hī zaḳhmī nahīñ andheroñ se
hai āsmāñ ke bhī siine pe āftāb kā zaḳhm

maiñ sañgsār jo hotā to phir bhī ḳhush rahtā
khaTak rahā hai magar dil meñ ik gulāb kā zaḳhm

usī kī chāragarī meñ guzar ga.ī 'asrār'
tamām umr ko kaafī thā ik shabāb kā zaḳhm

baDe ghazab ka hai yaro baDe azab ka zaKHm
agar shabab hi Thahra mere shabab ka zaKHm

zara si baat thi kuchh aasman na phaT paDta
magar hara hai abhi tak tere jawab ka zaKHm

zamin ki kokh hi zaKHmi nahin andheron se
hai aasman ke bhi sine pe aaftab ka zaKHm

main sangsar jo hota to phir bhi KHush rahta
khaTak raha hai magar dil mein ek gulab ka zaKHm

usi ki chaaragari mein guzar gai 'asrar'
tamam umr ko kafi tha ek shabab ka zaKHm

RECITATIONS Nomaan Shauque



00:00/00:00 baDe ghazab ka hai yaro baDe azab ka zaKHm Nomaan Shauque

Leave a comment

+