Subscribe to our newsletter and get our newest updates

Fana Nizami Kanpuri

  • Ghazal


ek tishna-lab ne baDh ke jo saghar uTha liya


ik tishna-lab ne baḌh ke jo sāġhar uThā liyā
har bul-havas ne mai-kada sar par uThā liyā

maujoñ ke ittihād kā aalam na pūchhiye
qatra uThā aur uTh ke samundar uThā liyā

tartīb de rahā thā maiñ fahrist-e-dushmanān
yāroñ ne itnī baat pe ḳhanjar uThā liyā

maiñ aisā bad-nasīb ki jis ne azal ke roz
pheñkā huā kisī kā muqaddar uThā liyā

ek tishna-lab ne baDh ke jo saghar uTha liya
har bul-hawas ne mai-kada sar par uTha liya

maujon ke ittihad ka aalam na puchhiye
qatra uTha aur uTh ke samundar uTha liya

tartib de raha tha main fahrist-e-dushmanan
yaron ne itni baat pe KHanjar uTha liya

main aisa bad-nasib ki jis ne azal ke roz
phenka hua kisi ka muqaddar uTha liya


Leave a comment

+