jaañ rahe nochte hayāt ke dukh
zaat ke aur kā.enāt ke dukh

kuchh bigāḌā na vaqt ne in kā
haiñ javāñ ab bhī mere saath ke dukh

roz-marra kā ban ga.e ma.amūl
roz-marra muāmalāt ke dukh

fatah ne bhī shikast-o-reḳht hī dī
jiit se munsalik the maat ke dukh

rah gayā ab junūñ hī kam-āmez
ishq meñ to haiñ baat baat ke dukh

ham ġharīboñ ke roz-o-shab na pūchh
din meñ bhī jāgte haiñ raat ke dukh

TūTne meñ hī āfiyat thī 'rabāb'
jheltā kaun ehtiyāt ke dukh

jaan rahe nochte hayat ke dukh
zat ke aur kaenat ke dukh

kuchh bigaDa na waqt ne in ka
hain jawan ab bhi mere sath ke dukh

roz-marra ka ban gae mamul
roz-marra muamalat ke dukh

fatah ne bhi shikast-o-reKHt hi di
jit se munsalik the mat ke dukh

rah gaya ab junun hi kam-amez
ishq mein to hain baat baat ke dukh

hum gharibon ke roz-o-shab na puchh
din mein bhi jagte hain raat ke dukh

TuTne mein hi aafiyat thi 'rabab'
jhelta kaun ehtiyat ke dukh