ḳhabar sunegā mirī maut kī to ḳhush hogā
ki ab to jā ke divāne ko chain aa.egā

mileñge mujh se kahīñ achchhe jāñ-nisār tujhe
magar kabhī to mirā zikr aa hī jā.egā

na aisā ho magar aisā huā to kyā hogā
sukūñ talāsh karegā kahīñ na pā.egā

ajiib daur hai kuchh bhī yahāñ pe mumkin hai
jo yaad rakhnā bhī chāhā to bhuul jā.egā

zamāna guzregā TūTeñge saikḌoñ rishte
phir ek shaḳhs fasāna mirā sunā.egā

koī hañsegā divāne kī zindagī pe magar
kisī kī aañkh meñ ik ashk aa hī jā.egā

na dostoñ kī shikāyat na dushmanoñ kā gilā
ye sochtā huuñ kise kaun ab manā.egā

KHabar sunega meri maut ki to KHush hoga
ki ab to ja ke diwane ko chain aaega

milenge mujh se kahin achchhe jaan-nisar tujhe
magar kabhi to mera zikr aa hi jaega

na aisa ho magar aisa hua to kya hoga
sukun talash karega kahin na paega

ajib daur hai kuchh bhi yahan pe mumkin hai
jo yaad rakhna bhi chaha to bhul jaega

zamana guzrega TuTenge saikDon rishte
phir ek shaKHs fasana mera sunaega

koi hansega diwane ki zindagi pe magar
kisi ki aankh mein ek ashk aa hi jaega

na doston ki shikayat na dushmanon ka gila
ye sochta hun kise kaun ab manaega