Subscribe to our newsletter and get our newest updates

Basheer Ahmad Basheer

  • Ghazal


har gam pe aawargi-o-dar-ba-dari mein


har gaam pe āvārgī-o-dar-ba-darī meñ
ik dhyān kā saaya hai mirī ham-safarī meñ

tā-hadd-e-nazar pighlī huī ret kā dariyā
kis samt nikal aa.e haiñ ye be-ḳhabarī meñ

kis kī tarab-andāz-nazar ghol rahī hai
andoh-o-ġham-o-soz mizāj-e-basharī meñ

kyā koī kahīñ kunj-e-ḳhayābān-e-sukūñ hai
ai dasht-e-ġham-e-zīst tirī be-shajarī meñ

ai qarya-e-dil dekh guzartī hai isī taur
har shahr pe barbādī-o-zer-o-zabarī meñ

ahl-e-talab-o-shauq zamānoñ se paḌe haiñ
arsa-gah-e-ḳhud-sozī-o-hairāñ-nazarī meñ

lahrā.e na lahrā.e vo ab barq-e-ḳhad-o-ḳhāl
ab ham nahīñ ḳhār-e-ḳhas-e-āshufta-sarī meñ

ik hamdam-e-derīna kī yādoñ kī kasak hai
ḳhushbū-e-ḳhush-anfāsī-e-bād-e-saharī meñ

nigarāñ mirī jānib nigah-e-ḳhush-hunrāñ hai
kuchh to hunar āḳhir hai mirī be-hunarī meñ

ik tesha-e-sad-pāra kī sūrat haiñ 'bashīr' ab
hāsil yad-e-tūla thā jinheñ shīsha-garī meñ

har gam pe aawargi-o-dar-ba-dari mein
ek dhyan ka saya hai meri ham-safari mein

ta-hadd-e-nazar pighli hui ret ka dariya
kis samt nikal aae hain ye be-KHabari mein

kis ki tarab-andaz-nazar ghol rahi hai
andoh-o-gham-o-soz mizaj-e-bashari mein

kya koi kahin kunj-e-KHayaban-e-sukun hai
ai dasht-e-gham-e-zist teri be-shajari mein

ai qarya-e-dil dekh guzarti hai isi taur
har shahr pe barbaadi-o-zer-o-zabari mein

ahl-e-talab-o-shauq zamanon se paDe hain
arsa-gah-e-KHud-sozi-o-hairan-nazari mein

lahrae na lahrae wo ab barq-e-KHad-o-KHal
ab hum nahin KHar-e-KHas-e-ashufta-sari mein

ek hamdam-e-derina ki yaadon ki kasak hai
KHushbu-e-KHush-anfasi-e-baad-e-sahari mein

nigaran meri jaanib nigah-e-KHush-hunran hai
kuchh to hunar aaKHir hai meri be-hunari mein

ek tesha-e-sad-para ki surat hain 'bashir' ab
hasil yad-e-tula tha jinhen shisha-gari mein


Leave a comment

+