Warning: session_start(): open(/tmp/sess_da8mve7liuqvi3m1u49cmlp1b5, O_RDWR) failed: No space left on device (28) in /razi/eraazi/darbari/chunmun/index.php on line 15
muddaton se jo moattar tha wo daftar kaT kar

Subscribe to our newsletter and get our newest updates

Mahir Abdul Hayee

  • Ghazal


muddaton se jo moattar tha wo daftar kaT kar


muddatoñ se jo mo.attar thā vo daftar kaaT kar
zard mausam likh diyā satar-e-gul-e-tar kaaT kar

dīda-e-bīnā kī ḳhātir thā jo sāmān-e-nashāt
reza reza kar diyā kis ne vo manzar kaaT kar

koī khiḌkī hī nazar aa.ī na darvāza milā
thak ga.e haiñ paañv dīvāroñ ke chakkar kaaT kar

dāman-e-shab meñ haiñ kitne phuul kyā us ko ḳhabar
so gayā koh-e-mashaqqat ko jo din-bhar kaaT kar

kho gayā hai aadmī be-chehragī ke dasht meñ
le uḌā hai vaqt ā.īnoñ ke jauhar kaaT kar

yuuñ kiyā āzād zanjīr-e-ta.alluq se mujhe
chhoḌ de jaise koī tote ke shah-par kaaT kar

chāhte haiñ sab ko be-mehnat mile shīrīñ hameñ
kaun ab lā.egā jū-e-shīrīñ patthar kaaT kar

tab kahīñ paayā kisī ne us kī manzil kā pata
jab masāfat qat.a kī ḳhud ko sarāsar kaaT kar

tīrgī meñ thā jo 'māhir' sham-e-raushan kī misāl
ḳhaak par pheñkā hai kis zālim ne vo sar kaaT kar

muddaton se jo moattar tha wo daftar kaT kar
zard mausam likh diya satar-e-gul-e-tar kaT kar

dida-e-bina ki KHatir tha jo saman-e-nashat
reza reza kar diya kis ne wo manzar kaT kar

koi khiDki hi nazar aai na darwaza mila
thak gae hain panw diwaron ke chakkar kaT kar

daman-e-shab mein hain kitne phul kya us ko KHabar
so gaya koh-e-mashaqqat ko jo din-bhar kaT kar

kho gaya hai aadmi be-chehragi ke dasht mein
le uDa hai waqt aainon ke jauhar kaT kar

yun kiya aazad zanjir-e-talluq se mujhe
chhoD de jaise koi tote ke shah-par kaT kar

chahte hain sab ko be-mehnat mile shirin hamein
kaun ab laega ju-e-shirin patthar kaT kar

tab kahin paya kisi ne us ki manzil ka pata
jab masafat qata ki KHud ko sarasar kaT kar

tirgi mein tha jo 'mahir' sham-e-raushan ki misal
KHak par phenka hai kis zalim ne wo sar kaT kar


Source: Book : Kalam-e-aizaz afzal (Pg. 75) Author : Aizaz Afzal Publication : Usmania Book Depot

Leave a comment

+