Subscribe to our newsletter and get our newest updates

Nadeem Fazli

  • Ghazal


dil ki rahen raushan karte rahte hain


dil kī rāheñ raushan karte rahte haiñ
kis ke ghuñghrū chhan-chhan karte rahte haiñ

duniyā jis kī khoj meñ pāgal phirtī hai
ham to us ke darshan karte rahte haiñ

indar kī be-rañgī shāyad chhup jaa.e
bāhar rañg-o-roġhan karte rahte haiñ

un se pūchho aane vaalī rut kā haal
jo patjhaḌ ko sāvan karte rahte haiñ

un ke dil meñ ghar kar lenā mushkil hai
chaTTānoñ meñ rauzan karte rahte haiñ

chup rahte haiñ jin meñ kuchh bhī hotā hai
ḳhālī Dabbe khan-khan karte rahte haiñ

dil ki rahen raushan karte rahte hain
kis ke ghunghru chhan-chhan karte rahte hain

duniya jis ki khoj mein pagal phirti hai
hum to us ke darshan karte rahte hain

indar ki be-rangi shayad chhup jae
bahar rang-o-roghan karte rahte hain

un se puchho aane wali rut ka haal
jo patjhaD ko sawan karte rahte hain

un ke dil mein ghar kar lena mushkil hai
chaTTanon mein rauzan karte rahte hain

chup rahte hain jin mein kuchh bhi hota hai
KHali Dabbe khan-khan karte rahte hain


Leave a comment

+