Subscribe to our newsletter and get our newest updates

Dwijendra Dwij

  • Ghazal


ashk ban kar jo chhalakti rahi miTTi meri


ashk ban kar jo chhalaktī rahī miTTī merī
sho.ale kuchh yuuñ bhī ugaltī rahī miTTī merī

mere hone kā sabab mujh ko batātī lekin
mere pairoñ meñ dhaḌaktī rahī miTTī merī

kuchh to baaqī thā mirī miTTī se rishta merā
merī miTTī ko tarastī rahī miTTī merī

duur pardesh ke taare meñ bhī shabnam kī tarah
merī āñkhoñ meñ chamaktī rahī miTTī merī

lok-nrityoñ ke ka.ī taal suhāne ban kar
mere pairoñ meñ thiraktī rahī miTTī merī

sirf roTī ke liye duur vatan se apne
dar-ba-dar yuuñ hī bhaTaktī rahī miTTī merī

maiñ jahāñ bhī thā merā saath na chhoḌā us ne
zehn meñ mere mahaktī rahī miTTī merī

koshisheñ jitnī bachāne kī ise kī maiñ ne
aur utnī hī dhaḌaktī rahī miTTī merī

ashk ban kar jo chhalakti rahi miTTi meri
shoale kuchh yun bhi ugalti rahi miTTi meri

mere hone ka sabab mujh ko batati lekin
mere pairon mein dhaDakti rahi miTTi meri

kuchh to baqi tha meri miTTi se rishta mera
meri miTTi ko tarasti rahi miTTi meri

dur pardesh ke tare mein bhi shabnam ki tarah
meri aankhon mein chamakti rahi miTTi meri

lok-nrityon ke kai tal suhane ban kar
mere pairon mein thirakti rahi miTTi meri

sirf roTi ke liye dur watan se apne
dar-ba-dar yun hi bhaTakti rahi miTTi meri

main jahan bhi tha mera sath na chhoDa us ne
zehn mein mere mahakti rahi miTTi meri

koshishen jitni bachane ki ise ki main ne
aur utni hi dhaDakti rahi miTTi meri


Source: Rooh-e-Ghazal,Pachas Sala Intekhab

Leave a comment

+