Subscribe to our newsletter and get our newest updates

Vijay Sharma

  • Ghazal


ab kahan dard jism-o-jaan mein hai


ab kahāñ dard jism-o-jān meñ hai
dafn hai dil badan dukān meñ hai

din Dhale roz yuuñ lage jaise
koī mujhsā mire makān meñ hai

dil kā kuchh bhī patā nahīñ chaltā
haath meñ hai ki āsmān meñ hai

chhāñv ke pal jalā diye saare
uf vo sūraj jo sā.ebān meñ hai

kyuuñ na tashbīh phuul ho us kī
vo jo ḳhushbū sā dāstān meñ hai

ik savāl aur 'arsh' baaqī hai
āḳhirī tiir bhī kamān meñ hai

ab kahan dard jism-o-jaan mein hai
dafn hai dil badan dukan mein hai

din Dhale roz yun lage jaise
koi mujhsa mere makan mein hai

dil ka kuchh bhi pata nahin chalta
hath mein hai ki aasman mein hai

chhanw ke pal jala diye sare
uf wo suraj jo saeban mein hai

kyun na tashbih phul ho us ki
wo jo KHushbu sa dastan mein hai

ek sawal aur 'arsh' baqi hai
aaKHiri tir bhi kaman mein hai


Source: Book : Nuquush-e-daaG (Pg. 115) Author : Sahir Hoshiyarpuri Publication : Haryana Urdu Acadami (1992) Edition : 1992

Leave a comment

+