dil bano dil kā mudda.ā bhī bano
saaz bhī saaz kī sadā bhī bano

tum ne hī dil ko dard baḳhshā hai
tum hī is dard kī davā bhī bano

jis mohabbat kī ibtidā ho tum
us mohabbat kī intihā bhī bano

tum ḳhudā ho mujhe nahīñ inkār
lutf jab hai ki nāḳhudā bhī bano

dost banñā burā nahīñ 'sarshār'
shart ye hai ki bā-vafā bhī bano

dil bano dil ka muddaa bhi bano
saz bhi saz ki sada bhi bano

tum ne hi dil ko dard baKHsha hai
tum hi is dard ki dawa bhi bano

jis mohabbat ki ibtida ho tum
us mohabbat ki intiha bhi bano

tum KHuda ho mujhe nahin inkar
lutf jab hai ki naKHuda bhi bano

dost banna bura nahin 'sarshaar'
shart ye hai ki ba-wafa bhi bano

Source: Book : Hazir hai ehteram (Pg. 84) Author : Ehitaram Islam Publication : Anjuman Prakashan (2014) Edition : 2014