Subscribe to our newsletter and get our newest updates

Zaheer Dehlvi

  • Ghazal


dil ko dar-us-surur kahte hain


dil ko dār-us-surūr kahte haiñ
jalva-gāh-e-huzūr kahte haiñ

na kaheñ bā-vafā mujhe muñh se
haañ vo dil meñ zarūr kahte haiñ

vo mujhe aur kuchh kaheñ na kaheñ
shefta to zarūr kahte haiñ

ik ḳhudā.ī kahā kare qahhār
ham to us ko ġhafūr kahte haiñ

pī ke dekhī bhī hazrat-e-vā.iz
aap jis ko tuhūr kahte haiñ

dil ko dar-us-surur kahte hain
jalwa-gah-e-huzur kahte hain

na kahen ba-wafa mujhe munh se
han wo dil mein zarur kahte hain

wo mujhe aur kuchh kahen na kahen
shefta to zarur kahte hain

ek KHudai kaha kare qahhaar
hum to us ko ghafur kahte hain

pi ke dekhi bhi hazrat-e-waiz
aap jis ko tuhur kahte hain


Source: Book : Ishq Abaad (kulliyat) (Pg. 599)

Leave a comment

+