Subscribe to our newsletter and get our newest updates

Ghulam Husain Sajid

  • Ghazal


jab tilism-e-qufl-e-abjad khul gaya


jab tilism-e-qufl-e-abjad khul gayā
hāsil-e-guftār-e-sarmad khul gayā

TuuT kar aa.ī hai us gul par bahār
jism lau dene lagā qad khul gayā

sub.h laa.ī hai rihā.ī kī naved
āsmāñ khulte hī gumbad khul gayā

kār-zār-e-ishq meñ aane ke ba.ad
rañg-e-mīrās-e-ab-o-jad khul gayā

ḳhud-baḳhud aayā hai lab par us kā naam
ruuh par unvān-e-arshad khul gayā

reg-e-sahrā le uḌī bād-e-shimāl
dasht gum hote hī ma.abad khul gayā

aa ga.ī 'sājid' zabāñ par dil kī baat
aaj āḳhir un kā maqsad khul gayā

jab tilism-e-qufl-e-abjad khul gaya
hasil-e-guftar-e-sarmad khul gaya

TuT kar aai hai us gul par bahaar
jism lau dene laga qad khul gaya

subh lai hai rihai ki nawed
aasman khulte hi gumbad khul gaya

kar-zar-e-ishq mein aane ke baad
rang-e-miras-e-ab-o-jad khul gaya

KHud-baKHud aaya hai lab par us ka nam
ruh par unwan-e-arshad khul gaya

reg-e-sahra le uDi baad-e-shimal
dasht gum hote hi mabad khul gaya

aa gai 'sajid' zaban par dil ki baat
aaj aaKHir un ka maqsad khul gaya


Leave a comment

+