Subscribe to our newsletter and get our newest updates

Ibraheem Hammad

  • Ghazal


wafa ke dawon pe hans raha tha


vafā ke da.avoñ pe hañs rahā thā
mujhe nayā hijr ho gayā thā

bahut hī bad-shakl niklī duniyā
maiñ pahle parde pe dekhtā thā

use batātā thā merī bāteñ
ḳhudā mirī kaal sun rahā thā

samajh meñ kyā aatā merā lahja
kisī kī bātoñ meñ aa gayā thā

utaar pheñkī thī shaam sar se
abhī to paarā nahīñ chaḌhā thā

tum aaj tak ro rahe ho jo ġham
vo do dinoñ se ziyāda kā thā

ġharīb beva kā haath thāmā
madīne jaane kā rāsta thā

aur us kī haryānvī zabāñ thī
aur us ke hāthoñ meñ ik ghaḌā thā

ye jumla jo pahle kah diyā hai
ye vasl ke ain baad kā thā

wafa ke dawon pe hans raha tha
mujhe naya hijr ho gaya tha

bahut hi bad-shakl nikli duniya
main pahle parde pe dekhta tha

use batata tha meri baaten
KHuda meri kal sun raha tha

samajh mein kya aata mera lahja
kisi ki baaton mein aa gaya tha

utar phenki thi sham sar se
abhi to para nahin chaDha tha

tum aaj tak ro rahe ho jo gham
wo do dinon se ziyaada ka tha

gharib bewa ka hath thama
madine jaane ka rasta tha

aur us ki haryanwi zaban thi
aur us ke hathon mein ek ghaDa tha

ye jumla jo pahle kah diya hai
ye wasl ke ain baad ka tha


Source: Book : Nawa-e-harf-e-khamoosh (Pg. 161) Author : Zafar Kaleem Publication : Zafar Kaleem (2007) Edition : 2007

Leave a comment

+