Subscribe to our newsletter and get our newest updates

Faiz Ahmad Faiz

  • Ghazal


go sab ko baham saghar o baada to nahin tha


go sab ko baham sāġhar o baada to nahīñ thā
ye shahr udaas itnā ziyāda to nahīñ thā

galiyoñ meñ phirā karte the do chaar divāne
har shaḳhs kā sad chaak labāda to nahīñ thā

manzil ko na pahchāne rah-e-ishq kā raahī
nādāñ hī sahī aisā bhī saada to nahīñ thā

thak kar yūñhī pal bhar ke liye aañkh lagī thī
so kar hī na uTTheñ ye irāda to nahīñ thā

vaa.iz se rah-o-rasm rahī rind se sohbat
farq in meñ koī itnā ziyāda to nahīñ thā

go sab ko baham saghar o baada to nahin tha
ye shahr udas itna ziyaada to nahin tha

galiyon mein phira karte the do chaar diwane
har shaKHs ka sad chaak labaada to nahin tha

manzil ko na pahchane rah-e-ishq ka rahi
nadan hi sahi aisa bhi sada to nahin tha

thak kar yunhi pal bhar ke liye aankh lagi thi
so kar hi na uTThen ye irada to nahin tha

waiz se rah-o-rasm rahi rind se sohbat
farq in mein koi itna ziyaada to nahin tha

Videos
This video is playing from YouTube Videos
This video is playing from YouTube Ahsan Shabbir RECITATIONS Nomaan Shauque



00:00/00:00 go sab ko baham saghar o baada to nahin tha Nomaan Shauque

Source:

Leave a comment

+