Subscribe to our newsletter and get our newest updates

Taimur Hasan

  • Ghazal


moti nahin hun ret ka zarra to main bhi hun


motī nahīñ huuñ ret kā zarra to maiñ bhī huuñ
dariyā tire vajūd kā hissa to maiñ bhī huuñ

ai qahqahe bikherne vaale tū ḳhush bhī hai
hañsne kī baat chhoḌ ki hañstā to maiñ bhī huuñ

mujh meñ aur us meñ sirf muqaddar kā farq hai
varna vo shaḳhs jitnā hai utnā to maiñ bhī huuñ

us kī tū soch duniyā meñ jis kā koī nahīñ
tū kis liye udaas hai terā to maiñ bhī huuñ

ik ek kar ke Dūbte taare bujhā ga.e
mujh ko bhī Dūbnā hai sitāra to maiñ bhī huuñ

ik aa.ine meñ dekh ke aayā hai ye ḳhayāl
maiñ kyuuñ na us se kah duuñ ki tujh sā to maiñ bhī huuñ

moti nahin hun ret ka zarra to main bhi hun
dariya tere wajud ka hissa to main bhi hun

ai qahqahe bikherne wale tu KHush bhi hai
hansne ki baat chhoD ki hansta to main bhi hun

mujh mein aur us mein sirf muqaddar ka farq hai
warna wo shaKHs jitna hai utna to main bhi hun

us ki tu soch duniya mein jis ka koi nahin
tu kis liye udas hai tera to main bhi hun

ek ek kar ke Dubte tare bujha gae
mujh ko bhi Dubna hai sitara to main bhi hun

ek aaine mein dekh ke aaya hai ye KHayal
main kyun na us se kah dun ki tujh sa to main bhi hun


Leave a comment

+