Subscribe to our newsletter and get our newest updates

Mahmood-ul-Hasan

  • Ghazal


shahr-e-dil ujDa to barbaad hua kya kya kuchh


shahr-e-dil ujḌā to barbād huā kyā kyā kuchh
naqsh-bar-āb kī mānind miTā kyā kyā kuchh

dard-e-dil kāhish-e-jāñ soz-e-darūñ dāġh-e-jigar
be-talab terī ināyat se milā kyā kyā kuchh

uff ye begāngī-o-tark-e-ta.alluq kā azaab
pā ga.e ham bhī vafāoñ kā sila kyā kyā kuchh

kaisā insāf hai ye kaisī adālat hai tirī
dī hai nā-karda ḳhatāoñ kī sazā kyā kyā kuchh

kab ḳhabar hotī hameñ kaun kahāñ se aayā
kah gayā chupke se naqsh-e-kaf-e-pā kyā kyā kuchh

rāhat-e-vasl mohabbat kā nasha dard-e-firāq
tirī chāhat ne mirī jaan diyā kyā kyā kuchh

lab tire kis liye iqrār-e-mohabbat karte
aañkh hī kah ga.ī ai jān-e-vafā kyā kyā kuchh

shahr-e-dil ujDa to barbaad hua kya kya kuchh
naqsh-bar-ab ki manind miTa kya kya kuchh

dard-e-dil kahish-e-jaan soz-e-darun dagh-e-jigar
be-talab teri inayat se mila kya kya kuchh

uff ye begangi-o-tark-e-talluq ka azab
pa gae hum bhi wafaon ka sila kya kya kuchh

kaisa insaf hai ye kaisi adalat hai teri
di hai na-karda KHataon ki saza kya kya kuchh

kab KHabar hoti hamein kaun kahan se aaya
kah gaya chupke se naqsh-e-kaf-e-pa kya kya kuchh

rahat-e-wasl mohabbat ka nasha dard-e-firaq
teri chahat ne meri jaan diya kya kya kuchh

lab tere kis liye iqrar-e-mohabbat karte
aankh hi kah gai ai jaan-e-wafa kya kya kuchh


Leave a comment

+