Subscribe to our newsletter and get our newest updates

Habeeb Kaifi

  • Ghazal


jab bhi uski KHwahish rakhna


jab bhī us kī ḳhvāhish rakhnā
achchhā hai kuchh dānish rakhnā

laakh man.a kar dene par bhī
jaarī apnī koshish rakhnā

maiñ ne mohabbat sikhlā.ī thī
sīkhā kis ne ranjish rakhnā

dil mandir masjid jaisā hai
dil meñ na koī sāzish rakhnā

ḳhvāhish meñ sar bhī jaate haiñ
soch samajh kar ḳhvāhish rakhnā

chāhat kā matlab hotā hai
dil meñ zinda ātish rakhnā

hañs dene par us ke aage
koī mat farmā.ish rakhnā

jab bhi us ki KHwahish rakhna
achchha hai kuchh danish rakhna

lakh mana kar dene par bhi
jari apni koshish rakhna

main ne mohabbat sikhlai thi
sikha kis ne ranjish rakhna

dil mandir masjid jaisa hai
dil mein na koi sazish rakhna

KHwahish mein sar bhi jate hain
soch samajh kar KHwahish rakhna

chahat ka matlab hota hai
dil mein zinda aatish rakhna

hans dene par us ke aage
koi mat farmaish rakhna


Pachas Sala Intekhab"

Leave a comment

+