duniyā meñ yuuñ to har koī apnī sī kar gayā
zinda hai us kā naam kisī par jo mar gayā

sub.h-e-shab-e-visāl hai ā.īna haath meñ
sharmā ke kah rahe haiñ ki chehra utar gayā

saaqī kī baḌh chalī haiñ jo be-iltifātiyāñ
shāyad hamārī umr kā paimāna bhar gayā

itnā to jānte haiñ ki pahlū meñ dil nahīñ
us kī ḳhabar nahīñ ki kahāñ hai kidhar gayā

ham se jo aap ruuTh ke jaate haiñ jā.iye
sun lījiyegā zahr koī khā ke mar gayā

jaatā rahā shabāb to kuchh sūjhne lagī
āñkheñ khulīñ sharāb kā nashsha utar gayā

nāseh kahāñ kā chheḌ diyā tū ne aa ke zikr
us kā ḳhayāl phir mujhe bechain kar gayā

do din meñ ye mizāj kī hālat badal ga.ī
kal sar chaḌhā thā aaj nazar se utar gayā

achchhā huā jo aap ayādat ko aa ga.e
sar kā ye ek bojh thā vo bhī utar gayā

tere marīz-e-hijr kā ab to ye haal hai
aayā jo dekhne ko vo bā-chashm-e-tar gayā

chheḌā kisī ne zikr-e-mohabbat jo ai 'hafīz'
dil par ajiib tarah kā sadma guzar gayā

duniya mein yun to har koi apni si kar gaya
zinda hai us ka nam kisi par jo mar gaya

subh-e-shab-e-visal hai aaina hath mein
sharma ke kah rahe hain ki chehra utar gaya

saqi ki baDh chali hain jo be-iltifatiyan
shayad hamari umr ka paimana bhar gaya

itna to jaante hain ki pahlu mein dil nahin
us ki KHabar nahin ki kahan hai kidhar gaya

hum se jo aap ruTh ke jate hain jaiye
sun lijiyega zahr koi kha ke mar gaya

jata raha shabab to kuchh sujhne lagi
aankhen khulin sharab ka nashsha utar gaya

naseh kahan ka chheD diya tu ne aa ke zikr
us ka KHayal phir mujhe bechain kar gaya

do din mein ye mizaj ki haalat badal gai
kal sar chaDha tha aaj nazar se utar gaya

achchha hua jo aap ayaadat ko aa gae
sar ka ye ek bojh tha wo bhi utar gaya

tere mariz-e-hijr ka ab to ye haal hai
aaya jo dekhne ko wo ba-chashm-e-tar gaya

chheDa kisi ne zikr-e-mohabbat jo ai 'hafiz'
dil par ajib tarah ka sadma guzar gaya

Source: Book : Intekhab Kalam Lala M.R Jauhar (Pg. 53)