ab to ḳhud se bhī kuchh aisā hai bashar kā rishta
jaise parvāz se TuuTe hue par kā rishta
koī khiḌkī bhī nahīñ ab to jo baaqī rakhtī
mere ghar se mire ham-sā.e ke ghar kā rishta
tum farishte hī sahī nazreñ na badlo yaaro
kyā farishtoñ se nahīñ koī bashar kā rishta
moḌ aane do abhī sāmne aa jā.egā
kyā hai aapas meñ sharīkān-e-safar kā rishta
tū mire chāk-garebāñ ko nayā sūraj de
joḌ jā.ūñ maiñ dhuñdlakoñ se sahar kā rishta
mere hāthoñ kī lakīreñ ye batātī haiñ mujhe
pattharoñ hī se rahegā mire sar kā rishta
sab ke chehroñ kī ḳharāsheñ haiñ nazar meñ 'ġhausī'
ā.inoñ se hai dil-e-ā.ina-gar kā rishta
ab to KHud se bhi kuchh aisa hai bashar ka rishta
jaise parwaz se TuTe hue par ka rishta
koi khiDki bhi nahin ab to jo baqi rakhti
mere ghar se mere ham-sae ke ghar ka rishta
tum farishte hi sahi nazren na badlo yaro
kya farishton se nahin koi bashar ka rishta
moD aane do abhi samne aa jaega
kya hai aapas mein sharikan-e-safar ka rishta
tu mere chaak-gareban ko naya suraj de
joD jaun main dhundlakon se sahar ka rishta
mere hathon ki lakiren ye batati hain mujhe
pattharon hi se rahega mere sar ka rishta
sab ke chehron ki KHarashen hain nazar mein 'ghausi'
aainon se hai dil-e-aina-gar ka rishta
Leave a comment