ḳhuuñ meñ tar sabr kī chādar kahāñ le jāoge
zindagānī ko barahna-sar kahāñ le jāoge

aa ga.e ahkām-e-navvāb bolnā mamnūa hai
tum suḳhnavar lab-e-gustar kahāñ le jāoge

TuuT jā.eñge zavābit chīḳh uTThegā zamīr
duur nazroñ se har ik manzar kahāñ le jāoge

tark-e-aulā kī sazā ye pattharoñ kā shahr hai
ab bhalā ye kāñch kā paikar kahāñ le jāoge

shauq ke pur-pech raste aur anāsir sañg-e-mīl
gar uThā bhī lo to ye patthar kahāñ le jāoge

āgahī kā rizq kab maltā hai aur kis samt se
kāsa-e-zauq-e-nazar dar dar kahāñ le jāoge

hijr kī shab kā hai ye pichhlā pahar uTho 'shahāb'
ro chuke shab bhar ye chashm-tar kahāñ le jāoge

KHun mein tar sabr ki chadar kahan le jaoge
zindagani ko barahna-sar kahan le jaoge

aa gae ahkaam-e-nawwab bolna mamnua hai
tum suKHnawar lab-e-gustar kahan le jaoge

TuT jaenge zawabit chiKH uTThega zamir
dur nazron se har ek manzar kahan le jaoge

tark-e-aula ki saza ye pattharon ka shahr hai
ab bhala ye kanch ka paikar kahan le jaoge

shauq ke pur-pech raste aur anasir sang-e-mil
gar uTha bhi lo to ye patthar kahan le jaoge

aagahi ka rizq kab malta hai aur kis samt se
kasa-e-zauq-e-nazar dar dar kahan le jaoge

hijr ki shab ka hai ye pichhla pahar uTho 'shahab'
ro chuke shab bhar ye chashm-tar kahan le jaoge

Source: Kulliyat-e-Yagana