Subscribe to our newsletter and get our newest updates

Obaid Siddiqi

  • Ghazal


rang hawa mein phail raha hai


rañg havā meñ phail rahā hai
dekho kaisā phuul khilā hai

mere us ke biich badan hai
aur badan meñ dil dariyā hai

kis ko batā.ūñ kaise batā.ūñ
sannāTe meñ shor chhupā hai

is bastī ke ba.ad hai sahrā
us ke ba.ad na jaane kyā hai

ghar se bāhar niklo zarā
dekho kitnī tez havā hai

rang hawa mein phail raha hai
dekho kaisa phul khila hai

mere us ke bich badan hai
aur badan mein dil dariya hai

kis ko bataun kaise bataun
sannaTe mein shor chhupa hai

is basti ke baad hai sahra
us ke baad na jaane kya hai

ghar se bahar niklo zara
dekho kitni tez hawa hai


Leave a comment

+