aap ko bhuul ke maiñ yād-e-ḳhudā kartā huuñ
ḳhud anā kahtā huuñ maujūd baqā kartā huuñ

kufr-o-islām kā mūjid huā banda ho kar
phir vo maiñ kaun huuñ jo ḳhud huuñ kahā kartā huuñ

ilm-e-a.adād se hotā hai hijāb-e-akbar
ek har haal meñ huuñ kul meñ rahā kartā huuñ

huuñ basārat meñ nihāñ uzr hai bīnā.ī kā
roz-e-raushan meñ hī ḳhud aap rahā kartā huuñ

be-samajh naam ḳhudā kā vo liyā karte haiñ
pūchhtā huuñ to ye kahte haiñ sunā kartā huuñ

jism-e-ḳhākī na samajh yaar kā bas jalva hai
yaad aur bhuul se maiñ dil ko ziyā kartā huuñ

maiñ samajhtā huuñ ḳhudā aap ko banda ban kar
haañ isī shaan kā 'markaz' huuñ kahā kartā huuñ

aap ko bhul ke main yaad-e-KHuda karta hun
KHud ana kahta hun maujud baqa karta hun

kufr-o-islam ka mujid hua banda ho kar
phir wo main kaun hun jo KHud hun kaha karta hun

ilm-e-adad se hota hai hijab-e-akbar
ek har haal mein hun kul mein raha karta hun

hun basarat mein nihan uzr hai binai ka
roz-e-raushan mein hi KHud aap raha karta hun

be-samajh nam KHuda ka wo liya karte hain
puchhta hun to ye kahte hain suna karta hun

jism-e-KHaki na samajh yar ka bas jalwa hai
yaad aur bhul se main dil ko ziya karta hun

main samajhta hun KHuda aap ko banda ban kar
han isi shan ka 'markaz' hun kaha karta hun