Subscribe to our newsletter and get our newest updates

Karam Haidari

  • Ghazal


suKHan ke aainon ko pash pash karte rahe


suḳhan ke ā.inoñ ko paash paash karte rahe
ham apne lafzoñ meñ ma.anī talāsh karte rahe

lāvaToñ se raqīboñ ne jab bhī bahlāyā
mohabbatoñ ke sabhī raaz faash karte rahe

bachā thā kuchh jo ragoñ meñ lahū tamannā kā
usī ko bech ke hāsil ma.āsh karte rahe

shikast-e-rañg se ḳhushbū bhī reza reza huī
chaman meñ ham yahī reze talāsh karte rahe

anā kī raakh hai lipTī huī chaTTānoñ se
ye kaun log yahāñ būd-o-bāsh karte rahe

bichhaḌ ga.e the sar-e-shām hī jo ham se 'karam'
ham un sitāroñ ko shab-bhar talāsh karte rahe

suKHan ke aainon ko pash pash karte rahe
hum apne lafzon mein mani talash karte rahe

lawaTon se raqibon ne jab bhi bahlaya
mohabbaton ke sabhi raaz fash karte rahe

bacha tha kuchh jo ragon mein lahu tamanna ka
usi ko bech ke hasil maash karte rahe

shikast-e-rang se KHushbu bhi reza reza hui
chaman mein hum yahi reze talash karte rahe

ana ki rakh hai lipTi hui chaTTanon se
ye kaun log yahan bud-o-bash karte rahe

bichhaD gae the sar-e-sham hi jo hum se 'karam'
hum un sitaron ko shab-bhar talash karte rahe


Source: Book : Loban (Pg. 103) Author : Nadeem Farrukh

Leave a comment

+