Subscribe to our newsletter and get our newest updates

Najeeb Ahmad

  • Ghazal


kuchh is ke siwa KHwahish-e-sada nahin rakhte


kuchh is ke sivā ḳhvāhish-e-sāda nahīñ rakhte
ham tujh se bichhaḌne kā irāda nahīñ rakhte

kab dil kī taraf lauT ke ā.eñge safīne
sahrā ke bagūle ġham-e-jāda nahīñ rakhte

kyā ḳhaak simaT pā.eñge duniyā ke bakheḌe
ham log to dāman bhī kushāda nahīñ rakhte

uḌ jā.eñge ham bhī varaq-e-ḳhāk se ik din
rañgoñ ke sivā koī libāda nahīñ rakhte

har aañkh ko ham sāġhar-o-mīnā nahīñ kahte
har aañkh pe ham tohmat-e-bāda nahīñ rakhte

qaa.em bharam apnā hai asīrī se vagarna
ham tāqat-e-parvāz ziyāda nahīñ rakhte

kuchh is ke siwa KHwahish-e-sada nahin rakhte
hum tujh se bichhaDne ka irada nahin rakhte

kab dil ki taraf lauT ke aaenge safine
sahra ke bagule gham-e-jada nahin rakhte

kya KHak simaT paenge duniya ke bakheDe
hum log to daman bhi kushada nahin rakhte

uD jaenge hum bhi waraq-e-KHak se ek din
rangon ke siwa koi libaada nahin rakhte

har aankh ko hum saghar-o-mina nahin kahte
har aankh pe hum tohmat-e-baada nahin rakhte

qaem bharam apna hai asiri se wagarna
hum taqat-e-parwaz ziyaada nahin rakhte


Leave a comment

+