tham ga.ī vaqt kī raftār tire kūche meñ
aise sābit huā sayyār tire kūche meñ

manzar-e-bām sar-e-dīd nahīñ khultā hai
kuchh hai nā-dīda kā asrār tire kūche meñ

har talabgār ko hai hāsil-e-guftār-e-sukūt
na hai inkār na iqrār tire kūche meñ

ā.īna shaam kā raushan ruḳh-e-mahtāb se kar
aks chamke to ho dīdār tire kūche meñ

vaslat-e-kār baham ho ki haiñ jam.a din raat
pesha-e-hijr ke be car tire kūche meñ

nafā ke khel meñ samjhā gayā thā taaq jise
vo ḳhasāre meñ hai hoshyār tire kūche meñ

āḳhir-e-umr ne kī raunaq-e-bāzār tamām
na dukāñ hai na ḳharīdār tire kūche meñ

ek muddat se hai tartīb meñ be-tartībī
na durustī ke haiñ āsār tire kūche meñ

tham gai waqt ki raftar tere kuche mein
aise sabit hua sayyar tere kuche mein

manzar-e-baam sar-e-did nahin khulta hai
kuchh hai na-dida ka asrar tere kuche mein

har talabgar ko hai hasil-e-guftar-e-sukut
na hai inkar na iqrar tere kuche mein

aaina sham ka raushan ruKH-e-mahtab se kar
aks chamke to ho didar tere kuche mein

waslat-e-kar baham ho ki hain jama din raat
pesha-e-hijr ke be car tere kuche mein

nafa ke khel mein samjha gaya tha taq jise
wo KHasare mein hai hoshyar tere kuche mein

aaKHir-e-umr ne ki raunaq-e-bazar tamam
na dukan hai na KHaridar tere kuche mein

ek muddat se hai tartib mein be-tartibi
na durusti ke hain aasar tere kuche mein

Source: Funoon(Jadeed Ghazal Number: Volume-002)