sahrā se naddī ke safar meñ ravāñ thī ḳhaak
yaanī apnī asl meñ ik imkāñ thī ḳhaak

aisī tāza-kārī is bosīda-varaq par
merī shakl meñ aane se pahle kahāñ thī ḳhaak

havā uḌaa.ī us ne ik ik aalam kī
ye us daur kī baat hai jab ki javāñ thī ḳhaak

ik ḳhushbū kī zad meñ thā us kā har raqs
aur isī ḳhushbū ke liye makāñ thī ḳhaak

us meñ jitnī girheñ thiiñ sab aab kī thiiñ
varna apne rañg meñ to āsāñ thī ḳhaak

sahra se naddi ke safar mein rawan thi KHak
yani apni asl mein ek imkan thi KHak

aisi taza-kari is bosida-waraq par
meri shakl mein aane se pahle kahan thi KHak

hawa uDai us ne ek ek aalam ki
ye us daur ki baat hai jab ki jawan thi KHak

ek KHushbu ki zad mein tha us ka har raqs
aur isi KHushbu ke liye makan thi KHak

us mein jitni girhen thin sab aab ki thin
warna apne rang mein to aasan thi KHak