Subscribe to our newsletter and get our newest updates

Jameela Khuda Bakhsh

  • Ghazal


dekhiye gul ki mohabbat hamein kya deti hai


dekhiye gul kī mohabbat hameñ kyā detī hai
bulbul-e-zār ye hasrat se sadā detī hai

tum salāmat raho zinda hai tumhīñ se ulfat
haath uThā kar tumheñ hasrat ye duā detī hai

kyā kahūñ aah meñ tum se ki mohabbat kyā hai
ye vo shai hai ki jo insāñ ko miTā detī hai

sachchī ulfat bhī ajab chiiz hai allāh allāh
jalva-e-yār ko har shai meñ dikhā detī hai

sar-e-taslīm tah-e-teġh jhukā de apnā
ye sadā dil se mire us kī razā detī hai

vā.e-barbādī-e-qismat ki pas-e-marg sabā
ḳhaak ushshāq-e-jafā-kash kī uḌā detī hai

ḳhāna-e-dil meñ 'jamīla' yahī us kī ulfat
yās-o-armān-o-tamannā ko biThā detī hai

dekhiye gul ki mohabbat hamein kya deti hai
bulbul-e-zar ye hasrat se sada deti hai

tum salamat raho zinda hai tumhin se ulfat
hath uTha kar tumhein hasrat ye dua deti hai

kya kahun aah mein tum se ki mohabbat kya hai
ye wo shai hai ki jo insan ko miTa deti hai

sachchi ulfat bhi ajab chiz hai allah allah
jalwa-e-yar ko har shai mein dikha deti hai

sar-e-taslim tah-e-tegh jhuka de apna
ye sada dil se mere us ki raza deti hai

wae-barbaadi-e-qismat ki pas-e-marg saba
KHak ushshaq-e-jafa-kash ki uDa deti hai

KHana-e-dil mein 'jamila' yahi us ki ulfat
yas-o-arman-o-tamanna ko biTha deti hai


Leave a comment

+