Subscribe to our newsletter and get our newest updates

Faraz Mahmood Fariz

  • Ghazal


to mujhe ek jhalak bhi nahin dikhlani kya


to mujhe ek jhalak bhī nahīñ dikhlānī kyā
sirf muusā pe ināyat thī ye farmānī kyā

maiñ kisī shaḳhs ke marne pe bhī ġhamgīn nahīñ
ḳhaak agar ḳhaak meñ miltī hai to hairānī kyā

ḳhat meñ likhte ho bahut dukh hai tumheñ hijrat kā
yaar jab jā hī chuke ho to pashemānī kyā

merī āñkhoñ meñ zarā ġhaur se dekh aur batā
in se baḌh kar hai bhalā dasht kī vīrānī kyā

na ġham-e-yār hai mujh ko na ġham-e-daurāñ hai
āḳhir ab ziist meñ bhī is qadar āsānī kyā

merī miTTī meñ alag shai hai koī kūza-gar
vaqt-e-tajsīm mirī ḳhaak nahīñ chhānī kyā

to mujhe ek jhalak bhi nahin dikhlani kya
sirf musa pe inayat thi ye farmani kya

main kisi shaKHs ke marne pe bhi ghamgin nahin
KHak agar KHak mein milti hai to hairani kya

KHat mein likhte ho bahut dukh hai tumhein hijrat ka
yar jab ja hi chuke ho to pashemani kya

meri aankhon mein zara ghaur se dekh aur bata
in se baDh kar hai bhala dasht ki virani kya

na gham-e-yar hai mujh ko na gham-e-dauran hai
aaKHir ab zist mein bhi is qadar aasani kya

meri miTTi mein alag shai hai koi kuza-gar
waqt-e-tajsim meri KHak nahin chhani kya


Pachas Sala Intekhab"

Leave a comment

+