Subscribe to our newsletter and get our newest updates

Lutf-ur-rahman

  • Ghazal


itna chup-chap talluq pe zawal aaya tha


itnā chup-chāp ta.alluq pe zavāl aayā thā
dil hī royā thā na chehre pe malāl aayā thā

sub.h-dam mujh ko na pahchān sakā ā.īna
maiñ shab-e-ġham kī masāfat se niDhāl aayā thā

phir Tapaktī rahī siine pe ye shabnam kaisī
yaad aa.ī na kabhī terā ḳhayāl aayā thā

kahkashāñ mere darīchoñ meñ utar aa.ī thī
mere sāġhar meñ tirā aks-e-jamāl aayā thā

ab na vo zauq-e-vafā hai na mizāj-e-ġham hai
hū-ba-hū garche koī terī misāl aayā thā

itna chup-chap talluq pe zawal aaya tha
dil hi roya tha na chehre pe malal aaya tha

subh-dam mujh ko na pahchan saka aaina
main shab-e-gham ki masafat se niDhaal aaya tha

phir Tapakti rahi sine pe ye shabnam kaisi
yaad aai na kabhi tera KHayal aaya tha

kahkashan mere darichon mein utar aai thi
mere saghar mein tera aks-e-jamal aaya tha

ab na wo zauq-e-wafa hai na mizaj-e-gham hai
hu-ba-hu garche koi teri misal aaya tha


Leave a comment

+