Subscribe to our newsletter and get our newest updates

Naheed Virk

  • Ghazal


dhul hi dhul aDi hai mujh mein


dhuul hī dhuul aḌī hai mujh meñ
sabz ik shāḳh jalī hai mujh meñ

kitnī vīrānī hai mere andar
kis qadar terī kamī hai mujh meñ

duur tak ab to ḳhamoshī hai bas
duur tak ab to yahī hai mujh meñ

maan letī huuñ mukammal ho tum
maan letī huuñ kamī hai mujh meñ

ḳhushk hone hī nahīñ detī aañkh
vo jo sāvan kī jhaḌī hai mujh meñ

dhul hi dhul aDi hai mujh mein
sabz ek shaKH jali hai mujh mein

kitni virani hai mere andar
kis qadar teri kami hai mujh mein

dur tak ab to KHamoshi hai bas
dur tak ab to yahi hai mujh mein

man leti hun mukammal ho tum
man leti hun kami hai mujh mein

KHushk hone hi nahin deti aankh
wo jo sawan ki jhaDi hai mujh mein


Source: Book : Bar-e-Safar (Pg. 41) Author : Baqi Siddiqui Publication : Maktaba Urdu Daijest, Lahore (1969) Edition : 1969

Leave a comment

+