Subscribe to our newsletter and get our newest updates

Tanweer Gauhar

  • Ghazal


koi shikwa tha shikayat thi gila tha kya tha


koī shikva thā shikāyat thī gilā thā kyā thā
us ne jo kaan meñ chupke se kahā thā kyā thā

bhuul kuchh mujh se huī thī ki ḳhatā us kī thī
jo sabab tark-e-ta.alluq kā banā thā kyā thā

sochtā huuñ vo thā dīvāna ki thā saudā.ī
pyaar meñ tū ne jo ik naam diyā thā kyā thā

bārhā phone pe us ne jo kahā thā mujh se
sāmne kyuuñ vo mire kah na sakā thā kyā thā

aaj tak bhī na samajh paayā maiñ āñkhoñ meñ tirī
makr-e-rañgīñ thā ki phir rañg-e-vafā thā kyā thā

thā agar ġhair mujhe chhoḌ ke jaane vaalā
kyuuñ ga.ī raat maiñ phir so na sakā thā kyā thā

us kī guftār meñ laġhzish thī nigāheñ bechain
us kī āñkhoñ meñ koī raaz chhupā thā kyā thā

kyuuñ vo maġhrūr sar-e-bazm khaḌā thā 'gauhar'
us kī fitrat thī ki daulat kā nasha thā kyā thā

koi shikwa tha shikayat thi gila tha kya tha
us ne jo kan mein chupke se kaha tha kya tha

bhul kuchh mujh se hui thi ki KHata us ki thi
jo sabab tark-e-talluq ka bana tha kya tha

sochta hun wo tha diwana ki tha saudai
pyar mein tu ne jo ek nam diya tha kya tha

barha phone pe us ne jo kaha tha mujh se
samne kyun wo mere kah na saka tha kya tha

aaj tak bhi na samajh paya main aankhon mein teri
makr-e-rangin tha ki phir rang-e-wafa tha kya tha

tha agar ghair mujhe chhoD ke jaane wala
kyun gai raat main phir so na saka tha kya tha

us ki guftar mein laghzish thi nigahen bechain
us ki aankhon mein koi raaz chhupa tha kya tha

kyun wo maghrur sar-e-bazm khaDa tha 'gauhar'
us ki fitrat thi ki daulat ka nasha tha kya tha


Leave a comment

+