Subscribe to our newsletter and get our newest updates

Charkh Chinioti

  • Ghazal


gungunati hui aawaz kahan se laun


gungunātī huī āvāz kahāñ se lā.ūñ
terī āvāz kā andāz kahāñ se lā.ūñ

tere altāf se raqsāñ haiñ laboñ par ḳhushiyāñ
ġham meñ Duubī huī āvāz kahāñ se lā.ūñ

hāl-e-dil phuul se chehroñ ko sunāne ke liye
maiñ lab-e-zamzama-parvāz kahāñ se lā.ūñ

mujh se hans hans ke tirī mashq-e-sitam hotī hai
tujh sā monis but-e-tannāz kahāñ se lā.ūñ

shomī-e-baḳht hai ye 'charḳh' ki vo kahte haiñ
maiñ masīhā.ī kā andāz kahāñ se lā.ūñ

gungunati hui aawaz kahan se laun
teri aawaz ka andaz kahan se laun

tere altaf se raqsan hain labon par KHushiyan
gham mein Dubi hui aawaz kahan se laun

haal-e-dil phul se chehron ko sunane ke liye
main lab-e-zamzama-parwaz kahan se laun

mujh se hans hans ke teri mashq-e-sitam hoti hai
tujh sa monis but-e-tannaz kahan se laun

shomi-e-baKHt hai ye 'charKH' ki wo kahte hain
main masihai ka andaz kahan se laun


Source: Book : Lauh-e-Jahan (Pg. 39) Author : Prem Kumar 'Nazar' Publication : Adabistan Publications Delhi-95 (2013) Edition : 2013

Leave a comment

+