har moḌ ko charāġh-e-sar-e-rahguzar kaho
biite hue dinoñ ko ġhubār-e-safar kaho

ḳhūñ-gashta aarzū ko kaho shām-e-mai-kada
dil kī jarāhatoñ ko chaman kī sahar kaho

har rahguzar pe kartā huuñ zanjīr kā qayās
chāho to tum use bhī junūñ kā asar kaho

merī matā-e-dard yahī zindagī to hai
nā-mo'tabar kaho ki use mo'atabar kaho

ye bhī urūj-e-rañg kā ik mo.ajiza sahī
phūloñ kī tāzgī ko faroġh-e-sharar kaho

dānish-varān-e-hāl kā 'tābāñ' hai mashvara
har manzar-e-jahāñ ko fareb-e-nazar kaho

har moD ko charagh-e-sar-e-rahguzar kaho
bite hue dinon ko ghubar-e-safar kaho

KHun-gashta aarzu ko kaho sham-e-mai-kada
dil ki jarahaton ko chaman ki sahar kaho

har rahguzar pe karta hun zanjir ka qayas
chaho to tum use bhi junun ka asar kaho

meri mata-e-dard yahi zindagi to hai
na-mo'tabar kaho ki use mo'atabar kaho

ye bhi uruj-e-rang ka ek moajiza sahi
phulon ki tazgi ko farogh-e-sharar kaho

danish-waran-e-haal ka 'taban' hai mashwara
har manzar-e-jahan ko fareb-e-nazar kaho

Source: Book : Idraaq (Pg. 91) Author : Gohar Usmani Publication : Gohar Usmani (1993) Edition : 1993